ترجمان دفترِ خارجہ کے مطابق یہ حادثہ لیبیا کے شہر زاوِیہ کے شمال مغرب میں مرسا ڈیلا کی بندرگاہ کے قریب پیش آیا۔ 

پاکستانی سفارت خانے کی اطلاعات کے مطابق کشتی میں پاکستانیوں سمیت 65 مسافر سوار تھے اور یہ حادثہ ایک غیر متوقع طور پر کشتی کے الٹ جانے سے پیش آیا۔

حادثے کی اطلاع ملتے ہی وزارتِ خارجہ نے فوری طور پر کرائسز مینجمنٹ یونٹ کو متحرک کر دیا ہے، اور متاثرہ پاکستانیوں کے بارے میں تفصیلات جمع کی جا رہی ہیں۔ 

واضح رہے کہ دفترِ خارجہ نے کشتی حادثے کے متاثرین کی مدد کیلئے رابطہ نمبرز بھی جاری کیے ہیں۔

پاکستانی سفارت خانہ طرابلس سے 03052185882 پر واٹس ایپ کے ذریعے رابطہ کیا جا سکتا ہے۔

علاوہ ازیں سفارت خانہ کے موبائل فون نمبر 218913870577+ اور واٹس ایپ نمبر 218916425435+ پر بھی رابطہ کیا جا سکتا ہے۔

کرائسز مینجمنٹ یونٹ، وزارتِ خارجہ اسلام آباد کے فون نمبر 0519207887 پر بھی مدد کیلئے رابطہ کیا جا سکتا ہے۔ 

پاکستانی حکومت کی طرف سے کشتی حادثے میں ملوث افراد کی فوری مدد اور متاثرہ پاکستانیوں کی تلاش کیلئے تمام وسائل استعمال کیے جا رہے ہیں۔