پاکستان میں گوگل آفس کا افتتاح، وزیراعظم شہباز شریف کا اہم اعلان
وزیر اعظم شہباز شریف نے گوگل کے نائب صدر ولسن اور ان کی ٹیم کا پاکستان آمد پر خیرمقدم کرتے ہوئے کہا کہ پاکستان گوگل کے لیے ایک اہم اور خوبصورت نئے سفر کا آغاز ہے۔
انہوں نے کہا کہ گوگل دنیا بھر میں معروف ٹیکنالوجی کمپنی ہے اور پاکستان میں گوگل کے لیے بے پناہ مواقع موجود ہیں۔ گوگل پاکستان میں نوجوانوں اور ٹیکنالوجی کے شعبے کے لیے اہم کردار ادا کرسکتا ہے۔
شہباز شریف نے کہا کہ پاکستان اور گوگل کے درمیان تعاون کو مزید وسعت دینے کی ضرورت ہے۔
یہ بھی پڑھیں: ہزاروں روپے انعام کا جھانسہ، نیا آن لائن فراڈ بے نقاب
گوگل کے نائب صدر ولسن نے کہا کہ گوگل پاکستان کے ساتھ طویل المدتی شراکت داری کا خواہاں ہے۔ اور پاکستان میں ڈیجیٹل ٹیکنالوجی کے فروغ کے لیے مزید اقدامات کی ضرورت ہے۔
واضح رہے کہ گزشتہ سال نومبر میں وفاقی وزیر انفارمیشن ٹیکنالوجی شیزا فاطمہ نے اعلان کیا تھا کہ گوگل نے پاکستان میں اپنی رجسٹریشن کا عمل مکمل کر لیا ہے اور جلد پاکستان میں ان کا دفتر کھل جائے گا۔
