ہزاروں روپے انعام کا جھانسہ، نیا آن لائن فراڈ بے نقاب
تفصیلات کے مطابق پاکستان میں یومِ آزادی کی مناسبت سے شہریوں کو دھوکہ دینے کے لیے ایک نیا آن لائن فراڈ سامنے آیا ہے، جس میں ایس ایم ایس اور واٹس ایپ کے ذریعے "13,000 روپے نقد انعامی رقم” کا جھوٹا لالچ دیا جا رہا ہے۔
اس پر ‘نیشنل سائبر ایمرجنسی ریسپانس ٹیم’ نے شہریوں کے لیے اہم حفاظتی ایڈوائزری جاری کر دی ہے۔
سائبر کرائم سے متعلق ان جعلی پیغامات میں خطرناک لنکس شامل کیے گئے ہیں، لنکس پر کلک کرنے یا ڈیٹا درج کرنے سے صارفین کے حساس ذاتی و مالیاتی معلومات کی چوری اور مالی نقصان کا شدید خطرہ ہے۔
یہ بھی پڑھیں: شناختی کارڈ بنوانے کیلئے ہیپاٹائٹس سی ٹیسٹ لازمی قرار
قومی سائبر ٹیم نے شہریوں کو سخت ہدایت کی ہے کہ وہ کسی بھی مشکوک لنک پر کلک نہ کریں اور نہ ہی ایسے پیغامات کا جواب دیں یا انہیں آگے بھیجیں۔
ایسے کسی بھی میسج کو فوراً ڈیلیٹ کریں، بھیجنے والے نمبر کو بلاک اور رپورٹ کریں۔
نیشنل نے شہریوں سے اپیل کی ہے کہ کسی بھی مشکوک لنک یا یو آر ایل کو کھولنے سے پہلے اسے نیشنل سائبر ٹیم کے آفیشل پورٹل ‘فش ریڈار’ کے ذریعے لازمی چیک اور تصدیق کر لیں۔
