شناختی کارڈ بنوانے کیلئے ہیپاٹائٹس سی ٹیسٹ لازمی قرار

اسلام اباد میں پریس کانفرنس کرتے ہوئے مصطفی کمال نے بتایا کہ ہیپاٹائٹس سی کی اسکریننگ کے لیے ادارہ شماریات نے گیجٹس فراہم کر دیے ہیں جبکہ اسکریننگ کا ریکارڈ نادرا کے نظام سے منسلک کر دیا گیا ہے۔

وفاقی وزیر کے مطابق وزارت صحت کے ملازمین کے لیے ہیپاٹائٹس سی ٹیسٹ لازمی کر دیا گیا ہے، جو ملازم ٹیسٹ نہیں کروائے گا اس کی تنخواہ روکنے کا فیصلہ کیا گیا ہے، وزرا سمیت تمام سرکاری ملازمین کی اسکریننگ بھی لازمی بنانے کی تیاری کی جا رہی ہے۔

انہوں نے بتایا کہ ملک میں ایک کروڑ سے زائد افراد ہیپاٹائٹس سی کا شکار ہیں، پی ایم ہیپاٹائٹس پروگرام کے تحت مریضوں کو 68 ہزار روپے مالیت کی دوا مفت فراہم کی جائے گی۔

یہ بھی پڑھیں:ہیپاٹائٹس سی ٹیسٹ نہ کروانے پر تنخواہ روک لینے کا اعلان

مصطفیٰ کمال کے مطابق اسلام آباد میں مفت اسکریننگ کے لیے 17 مراکز قائم کیے گئے ہیں جبکہ نجی اسپتالوں کو بھی ٹیسٹنگ کٹس فراہم کی جائیں گی تاکہ ملک بھر میں شہریوں کی اسکریننگ کی جا سکے۔

وفاقی وزیر نے کہا کہ سرکاری ملازمین کی سکریننگ کے لیے تمام وزارتوں کو مراسلے بھی ارسال کیے جا رہے ہیں۔