پاکستان اور انگلینڈ کیخلاف سہ ملکی سیریز، سری لنکن اسکواڈ کا اعلان
سری لنکن کرکٹ حکام کی جانب سے جاری کردہ اسکواڈ میں تجربہ کار اور نوجوان کھلاڑیوں کو شامل کیا گیا ہے۔ کوشال مینڈس بطور کپتان ٹیم کی قیادت کریں گے، جبکہ پاتھم نسانکا، اوشکا فرنینڈو اور کمیل مشرا بھی اسکواڈ کا حصہ ہیں۔
اس کے علاوہ سری لنکن ٹیم میں داسن شناکا، ویلالاگے، مہیش تھکشانا اور چمیرا کو بھی شامل کیا گیا ہے۔ سری لنکا کی ٹیم سہ ملکی سیریز میں پاکستان اور انگلینڈ کیخلاف ون ڈے میچز کھیلے گی۔
پاکستان، سری لنکا اور انگلینڈ کے درمیان سہ ملکی ون ڈے سیریز 18 سے 31 اکتوبر تک جاری رہے گی، سیریز کے تمام میچز پاکستان کے مختلف شہروں میں منعقد ہوں گے، جن میں راولپنڈی اور لاہور شامل ہیں۔
تینوں ٹیموں کے درمیان مقابلوں کو آئندہ بڑے کرکٹ مقابلوں کی تیاری کے حوالے سے بھی اہم قرار دیا جا رہا ہے۔ سیریز میں قومی ٹیمیں اپنی کارکردگی بہتر بنانے اور اسکواڈ کے کھلاڑیوں کو آزمانے کا موقع حاصل کریں گی۔
یہ بھی پڑھیں:پاکستان کی معروف کرکٹر کائنات امتیاز کرکٹ کو خیرباد کہہ دیا
سری لنکن ٹیم انتظامیہ کو امید ہے کہ کوشال مینڈس کی قیادت میں ٹیم سیریز میں بہتر کارکردگی کا مظاہرہ کرے گی، شائقین کرکٹ کو تینوں ٹیموں کے درمیان دلچسپ اور سنسنی خیز مقابلوں کی توقع ہے۔
