پرتگال کے نوجوان فٹبالر میچ کے دوران اچانک گر کر انتقال کر گئے

لزبن فٹبال ایسوسی ایشن کے مطابق کوین کاسترو اپنے کلب ریئل ایس سی ساڈ اور ایسٹریلا دا امادورا کے درمیان دوستانہ میچ میں شریک تھے کہ اچانک گر پڑے اور موقع پر انتقال کر گئے۔

ایسوسی ایشن نے کوین کاسترو کی موت پر گہرے دکھ اور افسوس کا اظہار کرتے ہوئے ان کے اہلخانہ، دوستوں اور ریئل ایس سی ساڈ سے تعزیت کی۔ فٹبالر کی اچانک موت کی وجہ تاحال سامنے نہیں آسکی۔

ریئل اسپورٹ کلب نے کوین کاسترو کو خراجِ عقیدت پیش کرتے ہوئے کہا کہ وہ صرف ایک کھلاڑی نہیں بلکہ کلب کے خاندان کا حصہ تھے اور ان سے وابستہ ہر شخص پر گہرا اثر چھوڑ گئے۔