بھارتی کرکٹر ابھیشیک پورل سنگین الزامات پر گرفتار
بھارتی میڈیا کے مطابق خاتون نے رواں سال جون میں پولیس سے رجوع کیا تھا شکایت میں انہوں نے بتایا کہ وہ گزشتہ تین برس سے ابھیشیک پورل کے ساتھ تعلقات میں تھی اور کرکٹر نے ان سے شادی کا وعدہ کیا تھا۔
خاتون کا موقف ہے کہ شادی کی یقین دہانی پر دونوں کے درمیان جنسی تعلق قائم ہوا تاہم بعد میں ابھیشیک پورل نے شادی سے انکار کرتے ہوئے ان سے دوری اختیار کرنا شروع کر دی۔
شکایت میں کرکٹر پر تشدد اور مبینہ طور پر مجرمانہ دھمکیاں دینے کے الزامات بھی عائد کیے گئے ہیں، پولیس نے شکایت موصول ہونے کے بعد معاملے کی تحقیقات شروع کیں۔
بھارتی میڈیا کے مطابق بعد ازاں کلکتہ ہائی کورٹ نے پولیس کو مقدمے میں ابھیشیک پورل کی گرفتاری کی ہدایت کی، جس پر پولیس نے کاروائی کرتے ہوئے انہیں حراست میں لے لیا۔
یہ بھی پڑھیں: عاقب جاوید کی بیٹی نے برطانیہ میں شادی کرلی، تصاویر وائرل
دوسری جانب ابھیشیک پورل ماضی میں اپنے خلاف لگائے گئے الزامات کی تردید کر چکے ہیں، پولیس کے مطابق جانب سے تفتیش جاری ہے جبکہ خاتون کی جانب سے عائد الزامات تاحال عدالت میں ثابت نہیں ہوئے۔
24 سالہ بائیں ہاتھ کے بلے باز ابھیشیک پورل 2023 سے آئی پی ایل دہلی کیپیٹلز کا حصہ ہے۔ گزشتہ سیزن میں انہوں نے ٹیم کی جانب سے 4 اننگز کھیلیں اور 108 رنز بنائے تھے۔
