وزیر محمد کے بھتیجے شعیب محمد نے ان کے انتقال کی تصدیق کرتے ہوئے بتایا کہ سابق ٹیسٹ کرکٹر کا انتقال برمنگھم میں ہوا ، مرحوم گزشتہ دس روز سے برمنگھم کے ہسپتال میں زیر علاج تھے اور ان کی عمر 95 برس تھی۔

22 دسمبر 1929ء کو جونا گڑھ میں آنکھ کھولنے والے وزیر محمد نے 1952 سے 1959 تک 20 ٹیسٹ میچز میں پاکستان کی نمائندگی کی جن میں انہوں نے دو سنچریوں اور تین نصف سنچریوں کی بدولت 801 رنز بنا رکھے تھے۔

وزیر محمد 1952 میں بھارت کا دورہ کرنے والی پہلی پاکستان ٹیم کا حصہ بھی تھے اورانہوں نے دورہ بھارت میں پاکستان کی جانب سے ٹیسٹ کریئر کا آغاز کیا۔

یہ بھی پڑھیں: دنیائے کرکٹ کے عظیم امپائر ڈکی برڈ انتقال کر گئے

پانچ محمد برادران میں وزیر محمد سب سے بڑے تھے، دیگر بھائیوں میں حنیف محمد اور ریئس محمد پہلے ہی انتقال کر گئے ہیں، محمد برادرز کے سب سے بڑے بھائی وزیر محمد کا شمار پاکستان کے معمر ترین کرکٹر زمیں ہوتا تھا۔

پاکستان کرکٹ بورڈ کے چیئرمین محسن نقوی سمیت دیگر حکام نے مرحوم کے خاندان کے ساتھ اظہار تعزیت کیا ہے اور ان کے بلندی درجات جبکہ اہل خانہ کیلئے صبر جمیل کی دعا کی ہے۔