سوشل میڈیا پر جاری اپنے ایک ویڈیو بیان میں محمد عامر نے انٹرنیشنل کرکٹ سے ریٹائرمنٹ واپس لینے کی خبروں کو بے بنیاد قرار دے دیا۔

سابق قومی فاسٹ باؤلر کا کہنا تھا کہ میرے انٹرنیشنل کرکٹ سے ریٹائرمنٹ واپس لینے کی خبروں میں کوئی صداقت نہیں، یہ وقت نوجوان کھلاڑیوں کو موقع فراہم کرنے اور آگے بڑھنے کا ہے۔

محمد عامر نے قومی ٹیم کے سابق کپتان سرفراز احمد کو پی سی بی میں ذمہ داریاں ملنے کی تجویز کو خوش آئند قرار دیتے ہوئے ہوئے کہا کہ سرفراز احمد کو اگر سلیکشن میں کوئی ذمہ داری دی جاتی ہے تو یہ درست قدم ہوگا۔