مختلف سوشل میڈیا پلیٹ فارمز پر وائرل ویڈیو میں پاکستانی کپتان سلمان علی آغا بنگلہ دیش سے تعلق رکھنے والے ایشین کرکٹ کونسل کے عہدیدار امین الاسلام بلبل سے رنر اپ کا چیک وصول کرنے کے بعد فوراً تیز انداز میں پھینکتے ہوئے دکھائی دیے۔

سلمان علی آغا کے اس عمل پر بھارت لہ جانب سے پراپیگنڈا کیا گیا کہ پاکستانی کپتان نے بھارتی مہمان سے چیک وصول کرکے سب کے سامنے ہتک آمیز انداز میں پھیک کر ان کی توہین کی ہے ، پاکستانی کپتان نے ایسا اس لیے کیا کیونکہ بھارتی ٹیم نے اے سی سی سربراہ محسن نقوی سے ٹرافی وصول کرنے سے انکار کیا ہے۔

تاہم معاملے کی حقیقت جب کھل کر سامنے آئی تھی بھارت کا ایک اور پراپیگنڈا بے نقاب ہو گیا، دراصل جس شخصیت کو بھارتی کہا جارہا ہے وہ حقیقت میں بنگلادیش کرکٹ بورڈ کے صدر امین الاسلام ہیں۔

یہ بھی پڑھیں: صاحبزادہ فرحان نے ٹی 20 فارمیٹ میں اہم اعزاز اپنے نام کر لیا

قومی کپتان سلمان علی آغا کا چیک پھینکنا دانستاً نہیں تھا بلکہ چیک دینے کے فوراً بعد انہیں پریزنٹر نے اپنے پاس آنے کو کہا تو انہوں نے جلدی میں چیک کو رکھنے کی کوشش کی جس سے دیکھنے والوں کو لگا کہ شاید چیک کو پھینکا گیا ہے۔

یاد رہے کہ گزشتہ روز ایشیا کپ کے فائنل میں کامیابی کے بعد بھارتی ٹیم نے ایشین کرکٹ کونسل کے سربراہ محسن نقوی سے ٹرافی وصول کرنے سے انکار کردیا تھا جس کے باعث اختتامی تقریب تاخیر کا شکار ہوئی تھی۔

بھارتی ٹیم کے غیر پیشہ وارانہ رویے اور کھیل کو سیاست زدہ کرنے کے باعث تاریخ میں پہلی بار کسی ایشیا کپ میں فاتح ٹیم کو ٹرافی نہیں دی جاسکی۔