اس بار نہ صرف دونوں ٹیموں کے درمیان سنسنی خیز مقابلے کی توقع کی جارہی ہے بلکہ فاتح ٹیم کو ملنے والی انعامی رقم بھی سب کی توجہ کا مرکز بن گئی ہے۔

ٹورنامنٹ آرگنائزرز کے مطابق ایشیا کپ کی فاتح ٹیم کو 2 کروڑ 60 لاکھ روپے (تقریباً 300,000 امریکی ڈالر) دیے جائیں گے۔ یہ رقم 2022 کے ایڈیشن کے مقابلے میں 50 فیصد زیادہ ہے، جو اس بات کا ثبوت ہے کہ ایشیا کپ اب محض کرکٹ نہیں بلکہ ایک بڑے تجارتی اور بین الاقوامی ایونٹ کے طور پر بھی اپنی پہچان بنا چکا ہے۔

رنر اپ یعنی دوسرے نمبر پر آنے والی ٹیم بھی خالی ہاتھ نہیں لوٹے گی، شکست کھانے والی ٹیم کو 1 کروڑ 30 لاکھ روپے (تقریباً 150,000 امریکی ڈالر) بطور انعام ملیں گے۔

یہ بھی پڑھیں:حارث رؤف کا جرمانہ اپنی جیب سے ادا کروں گا، ناصر حسین شاہ

اس اقدام کا مقصد دونوں فائنلسٹ ٹیموں کی محنت اور ٹورنامنٹ میں ان کی شاندار کارکردگی کا اعتراف کرنا ہے۔

اس کے علاوہ ٹورنامنٹ میں بہترین کھیل پیش کرنے والے کھلاڑی کو پلیئر آف دی سیریز کا انعام 12.5 لاکھ روپے دیا جائے گا۔ یہ انعام نہ صرف کھلاڑیوں کی کارکردگی کو سراہنے کا ذریعہ ہے بلکہ نوجوان کرکٹرز کیلئے بھی ایک بڑی ترغیب ہے کہ وہ بہترین کھیل پیش کریں۔

دنیا بھر کے لاکھوں شائقین اس مقابلے کو ٹی وی اسکرینز اور آن لائن اسٹریمنگ پلیٹ فارمز پر براہِ راست دیکھ سکیں گے۔