تفصیلات کے مطابق فاطمہ ثنا پہلی مرتبہ ون ڈے ورلڈکپ میں کپتانی کریں گی جبکہ ایمان فاطمہ پہلی بار پاکستان ورلڈکپ اسکواڈ میں شامل ہیں۔ نتالیہ پرویز، رامین شمیم، صدف شمس، سعدیہ اقبال، شوال ذوالفقار، سیدہ عروب شاہ پہلی بار ون ڈے ورلڈکپ کھیلیں گی۔ آئی سی سی ورلڈ کپ کوالیفائر اسکواڈ میں دو تبدیلیاں کی گئی ہیں۔ گل فیروزہ اور نجيحہ علوی کو ٹیم سے باہر کر دیا گیا۔

15 رکنی اسکواڈ جنوبی افریقہ سے تین ون ڈے انٹرنیشنل بھی کھیلے گا۔ ون ڈے سیریز لاہور میں 16 سے 22 ستمبر تک ہوگی۔ جنوبی افریقہ وویمنز ٹیم 12 ستمبر کو لاہور پہنچے گی۔ وویمنز کرکٹ ورلڈ کپ بھارت اور سری لنکا میں 30 ستمبر سے دو نومبر تک شیڈول ہے۔ پاکستان کے تمام ورلڈ کپ میچز کولمبو، سری لنکا میں ہوں گے۔