حادثے میں ان کے بھائی آندرے سوا بھی ہلاک ہو گئے، جو پرتگال کی سیکنڈ ڈویژن فٹبال لیگ میں کھیلتے تھے۔

اسپینش میڈیا کے مطابق یہ اندوہناک حادثہ جمعرات کی صبح شمالی اسپین کے ایک ہائی وے پر پیش آیا، جہاں جوتا اور ان کے بھائی سفر کر رہے تھے۔

“A Day We Will Never Forget”

-Visuals from the wedding of Diogo Jota and his wife, Rute Cardoso, which was posted few hours before his tragic death in a car accident near Zamora, Spain. pic.twitter.com/mG377mAQ5T

— SIKAOFFICIAL🦍 (@SIKAOFFICIAL1) July 3, 2025

عینی شاہدین کے مطابق دونوں بھائی ایک لیمبورگینی گاڑی میں سوار تھے جو ایک اور گاڑی کو اوورٹیک کرتے ہوئے ٹائر پھٹنے کے باعث سڑک سے اتر گئی اور اس کے بعد آگ لگ گئی، جس کے نتیجے میں دونوں بھائی موقع پر ہی دم توڑ گئے۔

یہ بھی پڑھیں:کرکٹ میچ کے دوران بلے باز چل بسا

خیال رہے کہ ڈیاگو جوتا حال ہی میں پرتگال کی قومی ٹیم کے ہمراہ یوئیفا نیشنز لیگ کا فائنل جیتنے والی ٹیم کا حصہ تھے۔ وہ لیورپول کی جانب سے انگلش پریمیئر لیگ میں شاندار کارکردگی کا مظاہرہ کرتے رہے، اور حال ہی میں 2025 کا ٹائٹل بھی اپنے نام کیا۔

ذہن نشین رہے کہ 10 روز قبل ہی ڈیاگو جوتا شادی کے بندھن میں بندھے تھے۔

ان کی اچانک موت پر فٹبال شائقین، کھلاڑیوں اور عالمی فٹبال اداروں نے شدید افسوس کا اظہار کیا ہے۔ لیورپول کلب اور پرتگال فٹبال فیڈریشن نے اپنے بیانات میں جوتا کو ایک شاندار کھلاڑی، بہترین ساتھی اور حقیقی ٹیم پلیئر قرار دیتے ہوئے ان کی خدمات کو خراج تحسین پیش کیا۔