پی سی بی کا کہنا ہے کہ ان کی کوشش ہے کہ اس بار زیادہ سے زیادہ لوگ اسٹیڈیم کا رخ کریں، اس لیے تمام انکلوژرز کی قیمتیں عوامی دسترس میں رکھی گئی ہیں۔

ذہن نشیں رہے کہ عام انکلوژرز (حنیف محمد، عمران احمد، انضمام الحق، سعید احمد) کے ٹکٹ 200 روپے، فرسٹ کلاس انکلوژرز (عبدالحفیظ کاردار، عبدالقادر، جاوید میانداد، سرفراز نواز) کے ٹکٹ 300 روپے، پریمیم انکلوژرز (راجاز، سعید انور) کے ٹکٹ 400 روپے جبکہ وی آئی پی انکلوژرز (فضل محمود، عمران خان) 500 روپے میں دستیاب ہوں گیں۔

مزید یہ کہ زیادہ آرام دہ اور خاص تجربے کے شوقین افراد کیلئے وی وی آئی پی انکلوژرز (مجید خان، ظہیر عباس، وقار یونس، وسیم اکرم) اور گیلری ہاسپیٹیلٹی باکسز کی قیمت 2,000 روپے مقرر کی گئی ہے۔

خیال رہے کہ ٹکٹوں کی فروخت 25 مئی سے لاہور کے ٹی سی ایس ایکسپریس سینٹرز (ڈیوس روڈ، گلبرگ) پر شروع ہو گی۔ ہر فرد شناختی کارڈ پر چار ٹکٹ حاصل کر سکتا ہے۔