خاندانی ذرائع کے مطابق ان کی عمر 70 سال تھی، وہ حرکت قلب کے اچانک بند ہونے کے باعث خالقِ حقیقی سے جا ملے۔

مرحوم فیاض چوہدری کا انتقال ایک غمگین خبر کے طور پر سامنے آیا ہے، جس سے ان کے خاندان اور عزیز و اقارب میں غم کی لہر دوڑ گئی ہے۔

فیاض چوہدری کے انتقال کی خبر نے اعصام الحق اور ان کے اہل خانہ کو بھی گہرے غم میں مبتلا کر دیا ہے۔

مرحوم کا نماز جنازہ 4 بجے لاہور کینٹ کے گیریژن مسجد سرور کالونی میں ادا کر دیا گیا۔جنازے میں ان کے اہل خانہ اور قریبی دوستوں کی کثیر تعداد نے شرکت کی،سب نے ان کے انتقال پر گہرے دکھ اور افسوس کا اظہار بھی کیا۔

پاکستانی ٹینس اسٹار اعصام الحق نے اس مشکل وقت میں اپنے خاندان کے ساتھ اظہار تعزیت کیا اور مرحوم کیلئے دعائے مغفرت کی۔

اہلِ خانہ کا کہنا ہے کہ فیاض چوہدری کی وفات سے ہم سب کو ناقابلِ تلافی نقصان پہنچا ہے، ان کی یادیں ہمیشہ زندہ رہیں گی۔