بھارتی میڈیا رپورٹس کے مطابق جمعرات کو گروارے سٹیڈیم میں میچ کھیلتے ہوئے 35 سالہ کھلاڑی کو اچانک ہارٹ اٹیک ہوا جس کے باعث اس کی موت واقع ہو گئی۔
میڈیا کا کہنا ہے کہ 35 سالہ عمران پٹیل نامی بلے باز جب اننگز کی شروعات کرنے کیلئے گراؤنڈ میں پہنچے،جس کے تھوڑی دیر بعد انہوں نے سینے اور ہاتھ میں درد دردت کی شدت محسوس کی اور انتظامیہ کو آگاہ کیا۔
بلے باز نے مزید انتظار کرنے کے بعد ایمپائر کو دوبارہ سے اپنی حالت کے بارے میں آگاہ کیا،جس کے بعد انہیں پویلین میں جانے کی اجازت دے دی گئی،لیکن واپس جاتے ہوئے وہ گراؤنڈ میں ہی گر گئے۔
میدان میں موجود تمام کھلاڑی یہ افسوسناک صورتحاک دیکھ کر فوراً عمران پٹیل کی جانب دوڑ پڑے اور انہیں ایمرجنسی کی حالت میں ہسپتال منتقل کیا گیا، جہاں ڈاکٹرز نے ان کی موت کی تصدیق کر دی۔
بھارتی میڈیا کی جانب سے جاری کردہ رپورٹس کے مطابق بہت سے لوگوں کیلئے یہ حیران کُن اور ناقبالِ یقین بات تھی کیونکہ عمران پٹیل کی صحت بہت اچھی تھی،وہ جسمانی طور پر بھی تندرست تھے،اس کے باوجود وہ ہارٹ اٹیک کا شکار ہوگئے اور جانبر نہ ہو سکے۔
مقامی میڈیا کے مطابق عمران پٹیل کے سوگوار میں ان کی بیوی اور 3 بیٹیاں شامل ہیں، سب سے چھوٹی بیٹی ابھی محض 4 ماہ کی ہے۔
بھارتی میڈیا کا کہنا ہے کہ رواں سال ستمبر میں حبیب شیخ نامی کرکٹر کی بھی پونے میں میچ کھیلتے ہوئے اسی طرح موت کا شکار ہوگئے تھے،وہ ذیابیطس کے مریض بھی تھے۔
