شان مسعود کی جانب سے شکست پر اظہار افسوس

Pakistani test team captain Shaan Masood talking to the media.

September, 4 2024

راولپنڈی: (ویب ڈیسک)پاکستان ٹیسٹ ٹیم کے کپتان شان مسعود نے بنگلا دیش کے خلاف ٹیسٹ سیریز میں شکست کے بعد گہرے افسوس کا اظہار کیا ہے۔

بنگلا دیش نے راولپنڈی میں دونوں ٹیسٹ میچز جیت کر سیریز 2-0 سے اپنے نام کی، جس پر شان مسعود نے کہا کہ یہ ہمارے لیے ایک مایوس کن نتیجہ ہے۔

پاکستان کی کارکردگی پر تنقید:

میچ کے بعد شان مسعود نے گفتگو کرتے ہوئے کہا کہ "ہم نے سیریز میں کئی غلطیاں کیں، جبکہ بنگلادیش نے زیادہ ڈسپلن کے ساتھ کرکٹ کھیلی۔"

انہوں نے مزید کہا کہ "ٹیسٹ کرکٹ میں کامیابی کے لیے بیٹرز اور باؤلرز دونوں کے لیے فٹنس کا اہم کردار ہوتا ہے، اور اس معاملے میں ہمیں بہتری کی ضرورت ہے۔"

بنگلا دیشی کپتان نجم الحسن شانتو کی جیت پر خوشی:

دوسری جانب بنگلا دیش کے کپتان نجم الحسن شانتو نے سیریز جیتنے پر خوشی کا اظہار کیا اور اپنی ٹیم کی تعریف کی۔ انہوں نے کہا کہ "ہمارے فاسٹ بولرز نے شاندار کارکردگی کا مظاہرہ کیا، اور یہ جیت پوری ٹیم کی محنت کا نتیجہ ہے۔"

مہدی حسن میراز کی کارکردگی پر تبصرہ:

نجم الحسن شانتو نے مہدی حسن میراز کی تعریف کرتے ہوئے کہا کہ "مہدی ایک محنتی کرکٹر ہیں اور انہوں نے تسلسل کے ساتھ عمدہ کارکردگی دکھائی ہے۔ اس سیریز میں بھی ان کی کارکردگی نمایاں رہی۔"