پی ٹی آئی سے مذاکرات؟ حکومت کا موقف سامنے آگیا
اپنے بیان میں رانا ثناء اللہ نے کہا کہ وزیراعظم شہباز شریف نے چیف الیکشن کمشنر اور الیکشن کمیشن کے ارکان کی تقرری کیلئے اپوزیشن لیڈر کو دو خطوط لکھے ہیں، جن کے جواب کا انتظار کیا جا رہا ہے۔ انہوں نے اپوزیشن لیڈر سے سوال کیا کہ وہ وزیراعظم سے ملاقات کیلئے کب آرہے ہیں۔
رانا ثناء اللہ نے کہا کہ وزیراعظم اور اپوزیشن لیڈر کی ملاقات کیلئے کوئی تیسری جگہ مقرر نہیں کی جاسکتی، یہ ملاقات وزیراعظم ہاؤس میں ہی ہوگی۔
انہوں نے کہا کہ وزیراعظم ہاؤس کسی کی ذاتی ملکیت نہیں بلکہ ریاست کی ملکیت ہے، اس لیے ملاقات کے مقام سے متعلق غیر ضروری شرائط قبول نہیں کی جاسکتیں۔
حکومت نے محمود اچکزئی کی جانب سے وزیراعظم سے ملاقات کیلئے تیسری جگہ مقرر کرنے کی شرط بھی مسترد کردی ہے۔ رانا ثناء اللہ کا کہنا تھا کہ اس سے پہلے بھی اس نوعیت کی ضد سامنے آچکی ہے، لیکن حکومت اس طریقہ کار کو قبول نہیں کرے گی۔
یہ بھی پڑھیں:متعدد علاقوں میں گیس بندش کا اعلان، شیڈول جاری
حکومتی مؤقف کے مطابق پی ٹی آئی کے ساتھ مذاکرات کیلئے دہشت گردی کے خلاف جنگ میں تعاون اہم ہے، جبکہ خیبر پختونخوا میں ایمرجنسی واپس لینے کی شرط کو مذاکرات کی بنیاد نہیں بنایا جاسکتا۔
