خیبرپختونخوا کے امور سے متعلق وفاقی حکم نامہ جاری، 11 رکنی مشاورتی کونسل تشکیل

وفاقی حکومت کے جاری کردہ حکم نامے کے مطابق گورنر خیبرپختونخوا وفاقی حکومت کی جانب سے صوبائی حکومت کے امور انجام دیں گے، جبکہ فرائض کی ادائیگی میں مشاورتی کونسل کی معاونت حاصل کریں گے۔

حکم نامے کے تحت تشکیل دی گئی مشاورتی کونسل میں طارق محمود پاشا، ڈاکٹر عامر عبداللہ، لیفٹیننٹ جنرل (ر) نگار جوہر، ثمر بلور، ڈاکٹر سرفراز علی، عامر جاوید، ڈاکٹر ایم ارشاد، کفایت اللہ، طیب قریشی، عثمان سیف اللہ خان اور آصف رفیق شامل ہیں۔

وفاقی حکومت نے ثنا اللہ ایڈووکیٹ کو خیبرپختونخوا کا ایڈووکیٹ جنرل بھی مقرر کر دیا ہے۔

یہ بھی پڑھیں: خیبرپختونخوا میں گورنر راج نافذ، وزیراعلیٰ سہیل آفریدی گرفتار

حکم نامے میں واضح کیا گیا ہے کہ صوبائی حکومت کے امور آئینی دفعات اور خیبرپختونخوا گورنمنٹ رولز آف بزنس 1985 کے مطابق انجام دیے جائیں گے۔

وفاقی حکومت کے مطابق جاری کردہ حکم نامہ فوری طور پر نافذ العمل ہوگا۔