750 روپے کے پرائز بانڈ والوں رکھنے والوں کیلئے خوشخبری
اسٹیٹ بینک آف پاکستان اور قومی بچت کے سالانہ شیڈول کے مطابق 750 روپے کے پرائز بانڈ کا اگلا ڈرا جمعرات 15 اکتوبر 2026 کو راولپنڈی میں منعقد ہوگا۔ قرعہ اندازی میں مجموعی طور پر 1,700 خوش نصیب بانڈ ہولڈرز کو انعامات دیے جائیں گے۔
تفصیلات کے مطابق 750 روپے کے پرائز بانڈ کی قرعہ اندازی میں پہلے انعام کے طور پر ایک خوش نصیب نمبر کو 15 لاکھ روپے دیے جائیں گے، جبکہ دوسرے انعام کے تحت 3 کامیاب نمبروں کو 5 لاکھ روپے فی کس ملیں گے۔
اسی طرح تیسرے انعام کیلئے 1,696 کامیاب نمبروں کا انتخاب کیا جائے گا اور ہر انعام یافتہ کو 9 ہزار 300 روپے دیے جائیں گے۔
پرائز بانڈ کی انعامی رقم پر قوانین کے مطابق ودہولڈنگ ٹیکس بھی عائد ہوگا، فائلر افراد کیلئے ٹیکس کی شرح 15 فیصد جبکہ نان فائلرز کیلئے 30 فیصد ہے۔
ٹیکس کٹوتی کے بعد پہلے انعام کی رقم فائلر کو 12 لاکھ 75 ہزار روپے جبکہ نان فائلر کو 10 لاکھ 50 ہزار روپے ملے گی۔ دوسرے انعام میں فائلر کو 4 لاکھ 25 ہزار اور نان فائلر کو 3 لاکھ 50 ہزار روپے حاصل ہوں گے۔
یہ بھی پڑھیں:سونے کی قیمت میں بڑا اضافہ، فی تولہ کتنے کا ہوگیا؟
تیسرے انعام کی ٹیکس کٹوتی کے بعد رقم فائلر کیلئے 7 ہزار 905 روپے جبکہ نان فائلر کیلئے 6 ہزار 510 روپے ہوگی۔
واضح رہے کہ 750 روپے کے پرائز بانڈ کا گزشتہ ڈرا 15 جولائی کو لاہور میں منعقد ہوا تھا، جبکہ اس سے قبل اپریل کا ڈرا کوئٹہ میں ہوا تھا۔
