لانگ مارچ: علی امین گنڈاپور کا 50 لاکھ روپے دینے کا اعلان
تفصیلات کے مطابق علی امین گنڈاپور نے اپنے بیان میں کہا کہ پاکستان تحریک انصاف کے سیکرٹریٹ میں وہ 50 لاکھ روپے خود سہیل آفریدی کے حوالے کریں گے، یہ رقم لانگ مارچ کے انتظامات اور دیگر ضروری اخراجات کیلئے استعمال کی جائے گی۔
سابق وزیراعلیٰ نے کہا کہ لانگ مارچ کے دوران ان کے قافلے میں جتنے بھی افراد شریک ہوں گے، ان کے اخراجات بھی وہ خود برداشت کریں گے۔
انہوں نے دعویٰ کیا کہ مارچ کیلئے گاڑیوں کے حصول میں مشکلات کا سامنا ہے، تاہم اس سلسلے میں بھی مالی انتظام کیا جا رہا ہے۔
علی امین گنڈاپور کے مطابق گاڑیوں کے مالکان کو شورٹی کی مد میں 15 لاکھ روپے فی گاڑی جمع کروائے گئے ہیں، جبکہ ٹرانسپورٹ کیلئے مجموعی طور پر 3 کروڑ روپے تک کی شورٹی بھی جمع کرائی گئی ہے۔
انہوں نے کہا کہ لانگ مارچ کے حوالے سے پارٹی کارکنوں اور شرکا کیلئے ٹرانسپورٹ سمیت دیگر انتظامات کو یقینی بنانے کی کوشش کی جا رہی ہے۔
یہ بھی پڑھیں:حکومت اور پی ٹی آئی مذاکرات کیلئے آج آمنے سامنے بیٹھیں گے
واضح رہے کہ پاکستان تحریک انصاف کی جانب سے حکومت کیخلاف احتجاجی سرگرمیوں اور لانگ مارچ کی تیاریوں کے حوالے سے پارٹی رہنماؤں اور کارکنوں کو متحرک کیا جا رہا ہے۔
