پی ٹی آئی لانگ مارچ، پنجاب کانسٹیبلری اہلکاروں کیلئے یومیہ ایک ہزار روپے الاؤنس منظور
آئی جی آفس کی جانب سے خصوصی الاؤنس کی ادائیگی سے متعلق مراسلہ جاری کردیا گیا ہے، جس میں کہا گیا ہے کہ امن و امان کی خصوصی ڈیوٹی پر تعینات پنجاب کانسٹیبلری کے اہلکار اس الاؤنس کے حقدار ہوں گے۔
مراسلے کے مطابق خصوصی ڈیوٹی الاؤنس کی ادائیگی اہلکار کی حقیقی تعیناتی اور روزانہ حاضری سے مشروط ہوگی، جبکہ صرف وہی اہلکار الاؤنس حاصل کر سکیں گے جو خصوصی ڈیوٹی پر باقاعدہ تعینات ہوں گے۔
یہ بھی پڑھیں: حکومت کا گرین ٹریکٹر اسکیم میں لاکھوں روپے کی سبسڈی کا اعلان
آئی جی آفس کی جانب سے پنجاب کے تمام ریجنل پولیس افسران (آر پی اوز)، سٹی پولیس افسران (سی پی اوز)، ڈسٹرکٹ پولیس افسران (ڈی پی اوز) اور کانسٹیبلری کمانڈنٹس کو بھی اس فیصلے سے آگاہ کردیا گیا ہے۔
حکام کے مطابق خصوصی ڈیوٹی کے دوران تعینات اہلکاروں کو مقررہ شرائط کے تحت یومیہ ایک ہزار روپے الاؤنس کی ادائیگی کی جائے گی۔
