پی ٹی آئی رہنما جنید اکبر بڑی مشکل میں آ گئے

مقدمے کے متن کے مطابق نفرت اور اشتعال انگیز تقریر سوشل میڈیا کے مختلف اکاؤنٹ پر چلائی گئی ہے، جنید اکبر نے سرکاری املاک کو نقصن پہنچانے کی دھمکی بھی دی ہے ۔

رہنما پاکستان تحریک انصاف (پی ٹی آئی) جنید اکبر نے 27 ستمبر کے لانگ مارچ کے دوران حکومت کی طرف سے گولیاں چلانے کی صورت میں اسلام آباد کو سومنات بنانے کی دھمکی دی تھی۔

یہ بھی پڑھیں: پی ٹی آئی لانگ مارچ، 27 ستمبر کوموبائل سروس بند کرنے کا فیصلہ

واضح رہے کہ جنید اکبر نے کارکنوں سے خطاب کرتے ہوئے کہا تھا کہ ہم صرف ایک راستے سے اسلام آباد نہیں جائیں گے بلکہ موٹروے سے بھی جائیں گے اور مارگلہ پہاڑوں سے بھی اتریں گے۔

رہنما پی ٹی آئی نے کہا تھا کہ پچھلی بار ہم ریاست کو ماں سمجھ رہے تھے لیکن معلوم نہیں تھا یہ گولیاں چلا سکتے ہیں، پچھلی بار اس پوزیشن میں نہیں تھے کہ احتجاج کر سکیں، لاشیں اٹھائیں اور واپس آگئے، اس بار ہمیں معلوم ہے کہ ریاست گولیاں چلائے گی۔

ان کا کہنا تھا کہ اس بار ایسا نہیں ہوگا کہ لاشیں اٹھا کر خاموش ہو جائیں، اگر ایسا ہوا تو لاشیں اٹھائیں گے اور نئے لوگ آئیں گے، میں آپ کو گواہ بناتا ہوں کہ اسلام آباد کو ہم سومنات بنائیں گے۔