ہر شہری کیلئے ہزاروں روپے، پنجاب حکومت بڑی پیشکش
ماحول کو بہتر بنائیں ماحولیاتی آلودگی اور تباہ کن موسمیاتی اثرات کے باعث یہ انتہائی ضروری ہو چکا ہے۔ پنجاب حکومت کے گرین کریڈٹ پروگرام کے تحت صرف ایک کلو خالی پلاسٹک کی بوتلیں جمع کر کے دیں اور اس کے بدلے 2500 روپے پائیں۔ ایک شہری زیادہ سے زیادہ 4 کلو پلاسٹک کی بوتلیں دے سکتا ہے، یعنی دس ہزار روپے کمانے کا سنہری موقع ہے۔
الیکٹرک بائیک یا اسکوٹی کے استعمال پر شہری کو ایک لاکھ روپے تک دیے جائیں گے۔ 50 ہزار روپے ای بائیک کی خریداری پر جب کہ 50 ہزار روپے ای بائیک کو 6000 کلومیٹر تک چلانے کے بعد ادا کیے جائیں گے۔
یہ بھی پڑھیں: ڈرائیونگ لائسنس بنوانے کا طریقہ بدل گیا، اب کیا کرنا ہوگا؟
صرف اتنا ہی نہیں بلکہ پنجاب گرین کریڈٹ پروگرام میں دھوئیں والی گاڑیوں کی نشاندہی، زگ زگ ٹیکنالوجی کے بغیر چلنے والے دھواں چھوڑتے بھٹوں کی اطلاع، بارش کے پانی کو محفوظ بنانا، 10 پودے لگانا سمیت 38 ماحول دوست پروگرام شامل ہیں، جن پر عمل کر کے شہری ہزاروں روپے با آسانی حاصل کر سکتے ہیں۔
پنجاب حکومت کے اس پروگرام کا بنیادی مقصد شہریوں کو ماحولیاتی تحفظ کی سرگرمیوں میں شریک کرنا اور آلودگی میں کمی کے لیے انفرادی کردار کو فروغ دینا ہے۔
گرین کریڈٹ پروگرام کے ذریعے شہریوں کو ترغیب دی جا رہی ہے کہ وہ پلاسٹک کے کچرے میں کمی، شجرکاری، پانی کے تحفظ اور صاف ستھری ٹرانسپورٹ کے استعمال جیسے اقدامات اپنائیں۔
