وزیر اعلیٰ سہیل آفریدی سمیت پی ٹی آئی کے 24 ارکان اسمبلی کے پاسپورٹ بلاک
عدالت نے وزیر اعلیٰ خیبر پختونخوا سہیل آفریدی کا پاسپورٹ بلاک کرنےکا حکم دیا ہے۔
اے ٹی سی نے اسدقیصر، شہرام ترکئی، جنیداکبر، شاہد خٹک، عمر ایوب، بابر سلیم، یروزیر،شاہ احد، شیر علی ارباب، اقبال آفریدی، ڈاکٹر امجد کا پاسپورٹ بھی بلاک کرنے کا حکم دیا ہے۔
پی ٹی آئی رہنما ارشدعمر زئی، زر عالم، میاں عمر، اختر خان، ہمایوں خان، ریاض خان، عبدالکبیر خان، طفیل انجم، آصف محسود، عجب گل، محمد عثمان، عرفان سلیم، ایڈووکیٹ علی زمان اور ملک شہاب کا نام بھی فہرست میں شامل ہے۔
یہ بھی پڑھیں: "لانک مارچ ہو گی" پی ٹی آئی کا حکومت کو دوٹوک پیغام
عدالتی فیصلے میں کہا گیا ہے کہ دستیاب ریکارڈ کے مطابق ملزمان اس مقدمے میں نامزد ہیں۔
عدالت نے کہا ہے کہ دستیاب ریکارڈ کے مطابق ملزمان مقدمے میں نامزد ہیں، تفتیشی افسر کے مطابق ملزمان قانونی عمل سے بچنے کے لیے ملک سے فرار ہوسکتے ہیں، ملزمان پر ریاستی اداروں پر حملے اور دہشت گردی کے فروغ جیسے سنگین الزامات ہیں، ملزمان عدالت کے روبرو پیش ہونے میں بھی ناکام رہے۔
عدالت نے کہا کہ عبوری ضمانت حاصل کرنے والے ملزمان بھی مقدمے میں شامل تفتیش نہیں ہوئے، تفتیشی افسر کی ملزمان کے پاسپورٹ بلاک کرنے کی درخواست منظور کی جاتی ہے۔
عدالت نے حکم دیا کہ ایف آئی اے اگلے احکامات تک ملزمان کے پاسپورٹ بلاک کردے۔
