ای پاسپورٹ کے حصول کے خواہشمند شہریوں کے لیے بڑی خوشخبری
ترجمان کا کہنا ہے کہ نئے ای پاسپورٹ کا اجرا، پاسپورٹ میں تبدیلی اور نئے مشین ریڈایبل پاسپورٹ کا اجرا بدستور پاسپورٹ دفاتر سے ہی ہوگا۔
نادرا سینٹرز میں موجود پاسپورٹ کاؤنٹرز کو بھی بتدریج ختم کیا جائے گا جبکہ وہاں تعینات پاسپورٹ عملے کو واپس بلایا جائے گا۔ نادرا سینٹرز پر ای پاسپورٹ کی سہولت محکمہ پاسپورٹس اور نادرا کے درمیان ہونے والے معاہدے کے تحت فراہم کی جائے گی۔
ترجمان کے مطابق جدید ای پاسپورٹ میں الیکٹرانک چِپ نصب ہوگی، جس میں پاسپورٹ ہولڈر کا بائیومیٹرک اور ذاتی ڈیٹا محفوظ ہوگا۔ ای پاسپورٹ بین الاقوامی شہری ہوا بازی کی تنظیم( آئی سی اے او) کے مقرر کردہ عالمی معیار کے مطابق تیار کیا جائے گا۔
ای پاسپورٹ میں این ایف سی چِپ، لیزر اینگریونگ، انفراریڈ اور الٹرا وائلٹ سیکیورٹی فیچرز بھی شامل ہوں گے، جن کی مدد سے ہوائی اڈوں پر شہریوں کی شناخت اور تصدیق کا عمل مزید محفوظ اور تیز بنایا جاسکے گا۔
