بینظیرانکم اسپورٹ پروگرام کے حوالے سے بڑا فیصلہ

اجلاس میں بی آئی ایس پی کے آپریشنل نظام کو مزید مؤثر بنانے اور نگرانی کا مربوط نظام قائم کرنے پر بھی گفتگو ہوئی۔

سینیٹر روبینہ خالد کا کہنا ہے نیشنل سوشل اکنامک رجسٹری بی آئی ایس پی کے لیے انتہائی اہم ڈیٹا بیس ہے، مستحق افراد کی مؤثر نشاندہی کے لیےاین ایس ای آر ڈیٹا کو درست، محفوظ، تازہ ترین اور معیاری رکھنا ضروری ہے۔

سینیٹر کا کہنا تھا کہ مستحق خاندانوں تک سماجی تحفظ کے اقدامات کی مؤثر فراہمی کے لیے معیاری ڈیٹا ناگزیر ہے۔

انہوں نے مزید کہا بی آئی ایس پی خواتین بینیفشریز اور ان کے خاندانوں کے لیے ہنرمندی کے نئے مواقع پیدا کرنا ہماری ترجیح ہے، خواتین کو ہنر مند بنا کر انہیں معاشی طور پر بااختیار بنانا سماجی تحفظ کے نظام کا اہم حصہ ہے۔