عمران خان اور بشری بی بی کی اڈیالہ جیل میں ملاقات
عمران خان اور بشری بی بی کی ملاقات اڈیالہ جیل کے کانفرنس روم میں کروائی گئی/فائل فوٹو
Updated | Published August, 12 2026 |
(ویب ڈیسک): بانی پاکستان تحریک انصاف عمران خان اور انکی اہلیہ بشری بی بی کی اڈیالہ جیل میں ملاقات کروا دی گئی ہے۔
ذرائع کے مطابق عمران خان اور بشری بی بی کی ملاقات اڈیالہ جیل کے کانفرنس روم میں کروائی گئی، ملاقات کے دوران دونوں نے ایک دوسرے کی خیریت دریافت کی اور باہمی گفتگو کی۔
ذرائع کا کہنا ہے کہ ملاقات تقریباً 45 منٹ تک جاری رہی ہے، جس کے بعد عمران خان اور بشری بی بی کو واپس اپنے اپنے سیل میں منتقل کردیا گیا۔
یہ بھی پڑھیں: آزاد کشمیر میں ن لیگ کی حکومت نہیں چلنے دیں گے، پیپلزپارٹی
اس سے قبل اڈیالہ جیل میں بشری بی بی سے ان کی بیٹی اور بھابھی نے بھی ملاقات کی تھی، جیل ذرائع کے مطابق یہ ملاقات بھی کانفرنس روم میں ہوئی اور تقریباً 45 منٹ تک جاری رہی۔
ذرائع کے مطابق ملاقات کے دوران بشری بی بی کی صحت اور قانونی معاملات سے متعلق گفتگو اور مشاورت ہوئی، جس کے بعد ان کی بیٹی اور بھابھی جیل سے روانہ ہو گئیں۔
