اچکزئی متحدہ اپوزیشن کا اجلاس بلائیں ورنہ ہم ہم اے پی سی بلائیں گے :فضل الرحمن
تفصیلات کے مطابق کوئٹہ میں پریس کانفرنس کرتے ہوئے مولانا فضل الرحمن نے کہا کہ وزیرداخلہ محسن نقوی وقت سے پہلے بالغ ہوگئے ہیں ، انہیں وضاحت کرنی چاہیے انہوں نے کس حیثیت میں بیان دیا ہے ، اگر نظام ناکام ہے تو محسن نقوی حکومت سے کہیں کہ مستعفی ہو جائے یا پھر خود استعفیٰ دے دیں۔
انہوں نے کہا کہ جمعیت علماء اسلام صوبوں کے قیام کی اصولی طور پر مخالف نہیں لیکن کیا یہ وقت صوبوں کے قیام کے لیے درست ہے؟
انہوں نے مزید دعوی کیا کہ بلوچستان میں حکومت کا حصہ نہ بننے کا فیصلہ کیا ہے ،ملک میں سب سے بڑی سٹریٹ پاو ر جمعیت علماء اسلام کے پاس ہے ،نوجوانوں کو جذباتی ہو کر تحریک نہیں بلکہ تجربہ کار سیاستدانوں کی تقلید کرنی چاہیے۔
مولانا فضل الرحمن نے کہا کہ بلوچستان کے حالات ابتر ہوچکے ہیں مسلح گروہ فعال ہیں عوام پریشان ہیں لوگ اپنے علاقوں میں نہیں جاسکتے، نہ گھروں میں محفوظ ہیں لیکن معاملات چلانے والے صورتحال سے غافل ہیں ملک میں اس وقت کوئی بھی قومی پالیسی نہیں ہے جس سے ملک کو بحرانوں سے نکالا جائے۔
یہ بھی پڑھیں: نئے صوبوں کے قیام پر ن لیگ اور پی ٹی آئی ایک صفحے پر آگئے
اس موقع پر جمعیت علماء اسلام کے صوبائی امیر سینیٹر مولانا عبدالواسع، بلوچستان اسمبلی میں اپوزیشن لیڈر میر یونس عزیز زہری ،اراکین صوبائی اسمبلی میر زابد علی ریکی، فضل قادر مندوخیل، جمعیت علماء اسلام کے رہنما ملک سکندر خان ایڈووکیٹ، آغا محمود شاہ سمیت دیگر بھی موجود تھے۔
