کراچی کے کون سے علاقوں میں آج بجلی بند رہے گی؟
کے الیکٹرک کے مطابق بیشتر علاقوں میں مینٹیننس کا کام صبح 8 بجے سے شام 6 بجے تک جاری رہے گا تاہم بعض فیڈرز پر آپریشنل ضرورت کے مطابق بندش کا دورانیہ مختلف ہوسکتا ہے۔
ادارے کا کہنا ہے کہ اس مہم کا مقصد بجلی کے نظام کو مزید مستحکم بنانا، اہم انفراسٹرکچر کو آپ گریڈ اور مستقبل میں اچانک بجلی کی بندش کے امکانات کو کم کرنا ہے۔
یہ بھی پڑھیں: کراچی میں ٹماٹر کی قیمت 500 روپے فی کلو تک پہنچ گئی
اعلامیے کے مطابق جن علاقوں میں بجلی ہوگی ان میں آباد بلڈرز، علی دولت، المہمل، المرتضیٰ، ایوبیہ کمرشل فیز 7 ایکسٹینشن، بوسے، بی آر آر مداربا، کیپیٹل ہاؤسنگ سوسائٹی، کراؤن گارڈن، داؤد کاٹن، ڈی ایچ اے گالف کلب شامل ہیں۔ ایمبیسی ولا، گلاس ٹاور، گرین لینڈ سٹی، گل بہار، ناظم آباد کالج، نور ہاؤسنگ، نارتھ بائی پاس، اولڈ گولیمار، پاسبان مسجد، پی این آر کالونی، کوئٹہ ٹاؤن، سلمان گارڈن، سی ویو، شاہ فیصل ٹاؤن، سپارکو، طلحہ کاٹیجز، توحید کالونی سمیت دیگر علاقے شامل ہیں نیز شیڈول کے مطابق بعض علاقوں میں بجلی کی بندش صبح 7 بجے سے شروع ہوگی۔
کے-الیکٹرک نے صارفین سے اپیل کی ہے وہ مرمت کے شیڈول کو مدنظر رکھتے ہوئے اپنے معاملات ترتیب دیں جبکہ بجلی کی فراہمی کا کام مکمل ہوتے ہی مرحلہ وار بحال کر دی جائے گی۔
