غیر ملکی خواتین سے بدسلوکی و تشدد کا کیس، مرکزی ملزم باس گرفتار
پولیس ذرائع کے مطابق ایف آئی آر میں نامزد مرکزی کردار وحید عرف باس ہے، جو اوکاڑہ کا رہائشی بتایا جاتا ہے، ملزم کو ایک شخص رضا ڈار نے مبینہ طور پر غیر ملکی خواتین کو دھمکانے اور خوفزدہ کرنے کیلئے بلایا تھا۔
ابتدائی اطلاعات کے مطابق ملزمان پر الزام ہے کہ انہوں نے غیر ملکی خواتین کو سنگین نتائج کی دھمکیاں دیں اور ان کے ساتھ مبینہ طور پر تشدد بھی کیا۔
پولیس ذرائع کے مطابق واقعے میں سیکیورٹی گارڈ کے کردار سے متعلق بھی سنگین الزامات سامنے آئے ہیں، ایک گارڈ پر غیر ملکی خاتون کو مبینہ طور پر زیادتی کا نشانہ بنانے کا الزام بھی عائد کیا گیا ، تاہم یہ تمام الزامات تفتیش کے مراحل میں ہیں۔
یہ بھی پڑھیں:شالیمار ایکسپریس حادثے کا شکار
پولیس کا کہنا ہے کہ وحید عرف باس اور اس کے دو گن مینوں کو گزشتہ روز گرفتار کر لیا گیا ہے، مزید شواہد اور بیانات اکٹھے کیے جا رہے ہیں، کیس کی ہر پہلو سے تفتیش جاری ہے، قانون کے مطابق کارروائی عمل میں لائی جائے گی۔
پولیس نے واضح کیا ہے کہ حتمی نتائج تفتیش مکمل ہونے کے بعد سامنے آئیں گے، کسی بھی شخص کو قانون سے بالاتر نہیں سمجھا جائے گا۔
