اسلام آباد سمیت ملک کے مختلف شہروں میں زلزلے کے جھٹکے

زلزلہ پیما مرکز کے مطابق جڑواں شہروں اسلام آباد، راولپنڈی اور گوجر خان میں زلزلے کے جھٹکے محسوس کیے گئے۔

اس کے علاوہ خیبرپختونخوا کے مختلف اضلاع پشاور، ایبٹ آباد، سوات، بونیر ، کرم،مردان، شانگلہ ، چارسدہ، لوئر دیر، رستم اور گردونواح بھی زلزلے سے لرز اٹھے۔

زلزلہ پیما مرکز کے مطابق ریکٹر سکیل پر زلزلے کی شدت 5.3 ریکارڈ کی گئی جبکہ زلزلے کی گہرائی 174 کلومیٹر زیر زمین تھی، زلزلے کامرکز ہندوکش افغانستان تھا۔

یہ بھی پڑھیں: رات گئے اسلام آباد سمیت بالائی علاقوں میں 5.8 شدت کا زلزلہ

زلزلے کے باعث شہریوں میں خوف و ہراس پھیل گیا، لوگ کلمہ طیبہ کا ورد کرتے ہوئے گھروں اور دکانوں سے کھلے مکانات پر نکل آئے۔

حکام کے مطابق زلزلے کے باعث خوش قسمتی سے کسی قسم کے جانی و مالی نقصان کی اطلاع نہیں ملی۔