حج پالیسی رواں ماہ پیش کی جائیگی: وفاقی وزیر سردار یوسف
وفاقی وزیر برائے مذہبی امور و بین المذاہب ہم آہنگی سردار محمد یوسف نے اسلام آباد انٹرنیشنل ایئرپورٹ پر استقبالیہ تقریب سے خطاب کرتے ہوئے کہا کہ تعداد کے لحاظ سے پاکستان کے حجاج پوری دنیا میں دوسرے نمبر پر ہیں اور اتنی بڑی تعداد ہونے کے باوجود انتظامات مثالی اور بہترین رہے اور سعودی حکومت نے عازمین حج کے لیے تمام تر سہولیات فراہم کیں جس پر ہم خادم الحرمین الشریفین اور ولی عہد محمد بن سلمان سمیت سعودی قیادت کے شکر گزار ہیں۔
یہ بھی پڑھیں: خانہ کعبہ اندر سے خالی نہیں، حیرت انگیز معلومات کم لوگ جانتے
انہوں نے بتایا کہ سعودی وزارت حج نے آمدہ حج پالیسی کا اعلان کر دیا ہے، سعودی ڈیڈ لائن کے مطابق حج پالیسی رواں ماہ ہی وفاقی کابینہ میں پیش کی جائے گی اور حج درخواستیں ’’ پہلے آئیے ، پہلے پائیے ‘‘ پالیسی کے اصول کے مطابق لی جائیں گی۔
انہوں نے کہا دوران حج شکایات کا تناسب ایک فیصد سے بھی کم رہا اور وزارت نے موقع پر ہی بے شمار شکایات کا فوری ازالہ کیا۔
