وزیراعلیٰ پنجاب مریم نواز نے اپنے بیان میں کہا کہ خوشی کے لمحات میں کسی کو تنہانہ چھوڑنے کا عہد پورا ہونے پر اللہ تعالی کا شکر بجا لاتے ہیں، عوام کو پہلی مرتبہ عزت و احترام کے ساتھ براہ راست دہلیز پر امداد ی رقوم پہنچانے کا ہدف پورا ہونے پر خوش ہوں، نگہبان رمضان پیکیج میں ساڑھے 4لاکھ خاندان تقریبا اڑھائی کروڑ افراد کو عزت و احترام کے ساتھ امدادی رقوم پہنچائی گئی۔

یہ بھی پڑھیں: ہر بندہ پٹرول کا استعمال آدھا کر دے: رانا ثناء کا قوم کو مشورہ

مریم نواز کا کہنا تھا کہ پنجاب میں پہلی مرتبہ مریم کو بتائیں کے تحت 45 ہزار خاندانوں کو 10 ہزار روپے دئیے گئے، صوبہ بھر میں 40 لاکھ روزے داروں نے 422 نگہبان دستر خوان پر روزہ افطار کیا، پہلی مرتبہ رمضان میں پرائس کنٹرول کے لئے صوبہ گیر مہم کے مثبت نتائج سامنے آئے، تاریخ میں پہلی مرتبہ صوبہ بھر میں اشیائے ضروریہ کے نرخ پر مثالی کنٹرول دیکھنے میں آیا۔

انہوں نے کہا کہ صوبہ بھر میں 75 شاندار رمضان بازارو ں میں روزانہ ساڑھے 5 لاکھ سے زائد شہریوں نے خریداری کی، منیارٹی کارڈ کے ذریعے ایک لاکھ 57 ہزار سے زائد کرسچن فیملیز کو Lent کے لئے 10 ہزار روپے پیش کئے گئے۔