پاکستان پیپلز پارٹی (پی پی پی) کے رکن قومی اسمبلی (ایم این اے) قاسم گیلانی نے سماجی رابطے کی ویب سائٹ پر اپنے ایک ٹویٹ میں کہا کہ حکومت فوری طور پر عمران خان کو ان کے اپنے پسندیدہ ڈاکٹروں کے ذریعے بہترین ممکن طبی علاج فراہم کرنے کو یقینی بنائے۔ انہوں نے کہا کہ دوران قید عمران خان کی صحت پر کسی قسم کا سمجھوتہ نہیں کیا جا سکتا اور ان کی طبی سہولتوں کا خاص خیال رکھا جانا چاہیے۔
یہ بھی پڑھیں: عمران خان جس ڈاکٹر سے آنکھ کا علاج کرانا چاہیں کرایا جائے گا،رانا ثنااللہ
قاسم گیلانی نے مزید کہا کہ جیل حکام کی جانب سے اگر کسی قسم کی غفلت پائی گئی، تو اس کی مکمل تحقیقات کی جانی چاہیے اور ذمہ داروں کو جوابدہ ٹھہرایا جانا چاہیے۔ ان کا کہنا تھا کہ انسانی جان اور وقار سیاست سے بالاتر ہیں اور اس پر کسی قسم کی سیاست نہیں کی جانی چاہیے۔
The government must immediately ensure the best possible medical treatment for Imran Khan through doctors of his own choice. His health cannot be compromised under custody. Any negligence by jail authorities must be investigated and those responsible held fully accountable. Human…
— Kasim Gilani (@KasimGillani) February 13, 2026
انہوں نے اس بات پر زور دیا کہ جیل حکام کو عمران خان کی صحت کا خاص خیال رکھنا چاہیے اور انہیں مکمل طبی سہولتیں فراہم کرنی چاہئیں تاکہ ان کی زندگی کو کسی بھی خطرے سے بچایا جا سکے۔
