ماہرین فلکیات کے مطابق اس گرہن کے دوران چاند سورج کے عین سامنے آئے گا، لیکن چاند اس وقت زمین سے نسبتاً دور ہونے کی وجہ سے سورج مکمل طور پر چھپے گا نہیں۔ اس دوران سورج کے گرد آگ کے دائرے جیسا شاندار منظر دیکھا جائے گا جسے رِنگ آف فائر کہا جاتا ہے۔

فلکیاتی اداروں کے مطابق یہ جزوی سورج گرہن 17 فروری کو ہوگا، اس کا زیادہ سے زیادہ مرحلہ عالمی وقت کے مطابق تقریباً 12 بج کر 12 منٹ پر ہوگا۔ گرہن کا مکمل عمل صبح 09:56 یو ٹی سی سے شروع ہو کر دوپہر 14:27 یو ٹی سی تک جاری رہے گا۔

فلکیاتی ماہرین کا کہنا ہے کہ گرہن دیکھنے کے دوران حفاظتی چشمے یا دیگر فلکیاتی آلات کا استعمال لازمی ہے کیونکہ براہِ راست سورج کی روشنی آنکھوں کیلئے نقصان دہ ہو سکتی ہے۔

یہ بھی پڑھیں:امید ہے مارچ میں بسنت دوبارہ منائی جائیگی: عقیل ملک

سائنسدانوں کا کہنا ہے کہ رِنگ آف فائر گرہن فلکیاتی شوقین افراد کیلئے ایک نادر اور حیرت انگیز موقع ہے، جو دنیا کے مخصوص حصوں میں ہی دیکھا جا سکتا ہے۔

ماہرین فلکیات نے عوام سے کہا ہے کہ اگرچہ پاکستان میں یہ گرہن نظر نہیں آئے گا، لیکن عالمی ویب سائٹس اور لائیو سٹریمنگ کے ذریعے اسے دیکھا جا سکتا ہے، جو فلکیاتی شائقین کیلئے ایک پرمسرت موقع ہو گا۔