زلزلہ پیما مرکز کے مطابق زلزلے کی ریکٹر سکیل پر زلزلے کی شدت 4.8 اور گہرائی 176 کلو میٹر زیر زمین ریکارڈ کی گئی ہے جبکہ زلزلے کا مرکز ہندوکش کا پہاڑی سلسلہ تھا۔

عینی شاہدین کا کہنا ہے کہ زلزلے کے بعد لوگ خوف و ہراس کا شکار ہو گئے اور شہری کلمہ طیبہ کا ورد کرتے ہوئے گھروں سے باہر نکل آئے۔

دوسری جانب مقامی انتظامیہ کی جانب سے زلزلے کے بعد فی الحال کسی قسم کے جانی و مالی نقصان کی اطلاع نہیں ملی۔

یہ بھی پڑھیں: سوات اور چترال میں 5.2 شدت کا زلزلہ

ماہرین کے مطابق زمین کی سطح 3 بڑی پلیٹوں سے بنی ہوتی ہے۔ پہلی تہہ یوریشین، دوسری بھارتی اور تیسری کا نام اریبین ہے، زیر زمین حرارت جمع ہوتی رہتی ہے تو یہ پلیٹس ایک جگہ سے دوسری جگہ سرکتی ہیں، زمین ہلنا شروع ہو جاتی ہے اور یہی کیفیت زلزلہ کہلاتی ہے۔

زلزلے کی لہریں دائرے کی شکل میں چاروں طرف یلغار کرتی ہیں اور خوف و ہراس پھیل جاتا ہے، زلزلوں کا آنا یا آتش فشاں کا پھٹنا، ان علاقوں ميں بہت ہوتا ہے جو ان پلیٹوں کے سنگم پر واقع ہوتے ہیں۔

اس کو بھی پڑھیں: رات گئے اسلام آباد سمیت بالائی علاقوں میں 5.8 شدت کا زلزلہ

خیال رہے کہ زلزلے کے اعتبار سے پاکستان دنیا کا 5 واں بڑا حساس ترین ملک شمار کیا جاتا ہے، پاکستان انڈین پلیٹ کی شمالی سرحد پر موجود ہے جہاں یہ یوریشین پلیٹ سے ملتی ہے، یوریشین پلیٹ کے نیچے دھنسنے اور انڈین پلیٹ کے آگے بڑھنے کا عمل لاکھوں سال سے جاری و ساری ہے۔

ماہرین کے مطابق پاکستان کے 2 تہائی رقبے کے نیچے سے گزرنے والی تمام فالٹ لائنز متحرک ہیں جہاں کم یا درمیانے درجہ کا زلزلہ وقفے وقفے سے آتا رہتا ہے۔