تفصیلات کے مطابق عمران خان اور بشریٰ بی بی کی جانب سے تیار اپیلوں میں موقف اپنایا گیا کہ انعام اللہ شاہ جس کو بر طرف کیا جا چکا تھا عدالت نے اس کے بیان پر انحصار کیا، عدالت نے وعدہ معاف گواہ کے بیان پر انحصار کیا جو نہیں کیا جا سکتا تھا، بانی اور بشری بی بی کے خلاف استغاثہ کیس ثابت کرنے میں ناکام رہی۔
یہ بھی پڑھیں: بند کمرہ فیصلوں سے معیشت تباہی کی طرف جا رہی: سہیل آفریدی
درخواستوں کے متن میں کہا گیا کہ بیرسٹر سلمان صفدر کے ذریعے دو الگ الگ اپیلیں پیر کے روز ہائیکورٹ میں دائر ہوں گی، بانی اور بشری بی بی کے خلاف توشہ خانہ ٹو فیصلہ کالعدم قرار دینے کی استدعا کی گئی، ایک ہی جرم میں متعدد مرتبہ سزا نہیں دی جا سکتی، اسپیشل سنٹرل عدالت کو اختیار سماعت نہیں تھا۔
متن میں مزید کہا گیا کہ صہیب عباسی کو غیر قانونی طور پر سلطانی گواہ بنایا گیا، بلغاری سیٹ توشہ خانہ قواعد کے مطابق سابق حکمران جوڑے نے اپنے پاس رکھا، مقدمہ بغیر تفتیش قائم کیا گیا اور یہ سیاسی انتقام کا نشانہ بنایا جا رہا ہے، درخواست گزار سرکاری ملازم کی تعریف میں نہیں آتا۔
