تفصیلات کے مطابق دنیا کے کئی ممالک کی طرح پاکستان میں بھی ہر سال سرکاری تعطیلات کا اعلان کیا جاتا ہے۔ ممکنہ شیڈول کے مطابق نئے سال کی پہلی عام تعطیل 5 فروری کو یومِ کشمیر کے موقع پر ہوگی، جبکہ 21 سے 23 مارچ تک عیدالفطر کی چھٹیاں متوقع ہیں۔

اس کے علاوہ یکم مئی کو یومِ مزدور اور 28 مئی کو یومِ تکبیر کے موقع پر ملک بھر میں عام تعطیل ہوگی۔ عیدالاضحیٰ کے موقع پر 27 مئی سے تین روزہ تعطیلات دی جائیں گی، جبکہ 25 اور 26 جون کو عاشورۂ محرم کی چھٹیاں ہوں گی۔

یہ بھی پڑھیں: لاہور میں بسنت پر بسیں اور رکشے مفت چلانے کا اعلان

جشنِ آزادی کے موقع پر 14 اگست کو عام تعطیل ہوگی، اس کے علاوہ 26 اگست کو عید میلادالنبیؐ اور 9 نومبر کو یومِ اقبال کی چھٹی ہوگی۔ سال 2026 میں بھی یومِ قائداعظم اور کرسمس کی تعطیلات شامل ہوں گی، جبکہ 26 دسمبر کو صرف مسیحی ملازمین کو چھٹی دی جائے گی۔

دوسری جانب متحدہ عرب امارات نے بھی سال 2026 کی ممکنہ سرکاری تعطیلات کی فہرست جاری کر دی ہے۔

جاری کردہ فہرست کے مطابق مجموعی طور پر بارہ سرکاری چھٹیاں شامل ہیں جن میں یکم جنوری کو نیو ایئر، عیدالفطر کے تین روز، نو ذوالحج کو یومِ عرفات، عیدالاضحیٰ کے تین دن، یکم محرم کو نئے اسلامی سال کا آغاز، بارہ ربیع الاول کو عید میلادالنبیؐ اور دو سے تین دسمبر تک یو اے ای نیشنل ڈے کی تعطیلات شامل ہیں۔