ذرائع کے مطابق ڈی آئی جی انویسٹی گیشن ذیشان رضا نے دو روز قبل تحقیقات ایس پی ماڈل ٹاؤن ڈاکٹر ایاز کے سپرد کیں، ایس پی انویسٹی گیشن ماڈل ٹاؤن کی سربراہی میں خصوصی ٹیم نے دہرے قتل کو ٹریس کیا۔

تفتیشی ذرائع کا بتانا ہے کہ ڈی ایس پی عثمان حیدر نے بیوی اور بیٹی کو اپنی گاڑی میں قتل کیا، وقوعہ کے وقت بیوی فرنٹ سیٹ اور بیٹی بیک سیٹ پر بیٹھی تھی، وقوعہ کے وقت گاڑی رنگ روڈ پر موجود تھی،ملزم نے پہلے بیوی کی لاش کو دفنایا۔

پولیس ذرائع کے مطابق بیوی کی لاش ٹھکانے لگانے کے بعد ملزم نے بیٹی کی لاش کاہنہ کے علاقہ میلہ رام میں چھپائی، ملزم نے اپنی بیوی اور بیٹی کو 25 ستمبر کو قتل کیاتھا، دوہرے قتل کے بعد ملزم نے اپنی گاڑی کو صاف کیا اور شواہد ختم کرنے کی کوشش کی۔

یہ بھی پڑھیں: ڈی ایس پی نے بیوی اور بیٹی کو قتل کردیا

تفتیشی ذرائع کا بتانا ہے کہ ملزم کے مطابق اس کی بیوی اور بیٹی پلاٹ لینے سمیت دیگر مطالبات کر رہے تھے، اس کے پاس کچھ رقم تھی جو بہن بھائیوں کی شادی پر خرچ ہو گئی تھی، بیوی اور بیٹی کے مطالبات پر طیش میں آکر ملزم نے دونوں کو قتل کر دیا۔

انویسٹی گیشن ذرائع کے مطابق ملزم دو ماہ سے پولیس ٹیموں کو چکر دے رہا تھا اور خود ہی ان کے اغواء کا مقدمہ بھی درج کروایا تھا، جائے وقوعہ میں استعمال ہونے والی گاڑی بھی برآمد کر لی گئی ہے، گاڑی سے خون کے نمونے اور دیگر شواہد ملے ہیں۔

پولیس کی جانب سے شواہد سامنے رکھے جانے پر ملزم زیادہ دیر تفتیشی ٹیم کو چکمہ نہ دے سکا اور اپنے جرم کا اعتراف کر لیا۔