پاکستان میں اس وقت مجموعی طور پر 151 ہوائی اڈے اور لینڈنگ اسٹپس موجود ہیں جن میں سے صرف دس بین الاقوامی سفر کے لیے فعال ہیں۔ کراچی، لاہور اور اسلام آباد کے بڑے ایئرپورٹس پر بھی غیر

ملکی پروازوں کی تعداد دیگر ممالک کے مساوی ہوائی اڈوں کے مقابلے میں بہت کم ہے۔

 

یہ بھی پڑھیں: خیبرپختونخوا حکومت کا 9 مئی کے مزید مقدمات ختم کرنے کا فیصلہ

 

نئے گوادر انٹرنیشنل ایئرپورٹ بھاری لاگت سے تعمیر کیا گیا، افتتاح کے بعد سے اب تک غیر فعال ہے اور وہاں کوئی ملکی یا غیر ملکی پرواز موجود نہیں۔ اسکردو اور نیو میرپور ایئرپورٹس بھی بین الاقوامی

حیثیت کے باوجود استعمال میں نہیں۔

صرف آٹھ ہوائی اڈے— کراچی، لاہور، اسلام آباد، ملتان، سیالکوٹ، پشاور، فیصل آباد اور کوئٹہ باقاعدگی سے بین الاقوامی مسافروں کو سنبھالتے ہیں۔ رپورٹ کے مطابق ملک میں 43 ہوائی اڈے اندرونِ ملک پروازوں کے لیے فعال ہیں جبکہ باقی ایئرپورٹس صرف فوجی یا ہنگامی نوعیت کے استعمال کے لیے ہیں۔