وزیراعلیٰ خیبر پختونخوا بانی پاکستان تحریک انصاف (پی ٹی آئی) عمران خان کی بہن علیمہ خان اور وکلا چیف جسٹس کے سیکریٹری کے آفس سے روانہ ہوگئے۔

اس موقع پر وزیر اعلی کے  پی  کا کہنا تھا کہ ہماری شنوائی نہیں ہوئی، ہمیں چیف جسٹس کیطرف سے پیغام ملا کہ میں آپ سے نہیں مل سکتا۔

سہیل خان آفریدی نے کہا کہ ہم نے فیصلہ کیا ہے کہ آج قومی اسمبلی اور سینیٹ اجلاس نہیں چلنے دیں گے، آئندہ منگل کو ہائی کورٹ کے باہر بھی اور اڈیالہ جیل کے باہر بھی سب اکٹھے ہوں گے۔

یہ بھی پڑھیں:وزیراعلیٰ خیبر پختونخوا سہیل آفریدی نے دھرنا ختم کر دیا

علاوہ ازیں ایڈووکیٹ جنرل خیبر پختونخوا نے بھی غیر رسمی بات چیت کرتے ہوئے کہا کہ چیف جسٹس اسلام آباد ہائیکورٹ نے وزیراعلیٰ کے پی سے ملنے سے انکار کردیا ہے۔

ایڈووکیٹ جنرل کا کہنا تھا کہ چیف جسٹس اسلام آباد ہائیکورٹ کسی سے ملاقات نہیں کررہے، انہوں نے ایڈووکیٹ جنرل اور کسی وکیل سے بھی ملاقات نہیں کی۔