سابق وزیراعظم عمران خان کے بیٹے قاسم نے سماجی رابطے کی ویب سائٹ ایکس پر اپنی پوسٹ میں لکھا کہ عمران خان کی بہنوں کو ہر ملاقات سے روک دیا گیا، حالانکہ عدالت کے واضح احکامات موجود ہیں، کوئی فون کال نہیں، کوئی ملاقات نہیں اور زندگی کی کوئی خبر نہیں، میں اور میرا بھائی اپنے والد سے کسی قسم کا رابطہ نہیں کر سکتے۔
My father has been under arrest for 845 days. For the past six weeks, he has been kept in solitary confinement in a death cell with zero transparency. His sisters have been denied every visit, even with clear court orders allowing access. There have been no phone calls, no… pic.twitter.com/VZm26zM4OF
— Kasim Khan (@Kasim_Khan_1999) November 27, 2025
قاسم خان کا کہنا تھا مکمل اندھیرا میرے والد کے کسی حفاظتی پروٹوکول کا حصہ نہیں، یہ ایک جان بوجھ کر کی گئی کوشش ہے تاکہ ان کی حالت کو چھپایا جائے اور ہمارے خاندان کو یہ نہ معلوم ہو سکے کہ وہ محفوظ ہیں یا نہیں۔ انہوں نے کہا کہ پاکستانی حکومت اور اس کے آقاؤں کو میرے والد کی حفاظت اور اس غیر انسانی تنہائی کے ہر نتیجے کی قانونی، اخلاقی اور بین الاقوامی سطح پر مکمل ذمہ داری اٹھانا ہوگی۔
یہ بھی پڑھیں: عمران خان سے ملاقات کا معاملہ، وزیراعلیٰ سہیل آفریدی نے دھرنا دیدیا
انہوں نے کہا کہ میں عالمی برادری، بین الاقوامی انسانی حقوق کی تنظیموں اور ہر جمہوری آواز سے اپیل کرتا ہوں کہ فوری مداخلت کریں، زندگی کی تصدیق کا مطالبہ کریں، عدالت کے احکامات کے مطابق رسائی یقینی بنائیں، اس غیر انسانی تنہائی کو ختم کریں اور پاکستان کے سب سے مقبول سیاسی رہنما کی رہائی کا مطالبہ کریں۔
