ڈاکٹر عارفہ سیدہ زہرا نے پنجاب کی نگران کابینہ میں بطور صوبائی وزیر بھی خدمات انجام دیں، مرحومہ نے پنجاب کی نگران کابینہ میں بطور صوبائی وزیر بھی خدمات انجام دیں اور قومی کمیشن برائے خواتین کی چیئرپرسن کے طور پر خواتین کے حقوق اور سماجی اصلاحات کے لیے اہم کردار ادا کیا۔
یہ بھی پڑھیں: لیگی سینیٹر عرفان صدیقی شدید علیل، ہسپتال میں زیرعلاج
ڈاکٹر عارفہ سیدہ زہرا فارمن کرسچن کالج لاہور میں تاریخ کے شعبے سے وابستہ تھیں اور بطور پروفیسر اپنی تدریسی و فکری خدمات انجام دے رہی تھیں۔ وہ لاہور کالج برائے خواتین یونیورسٹی کی پرنسپل بھی رہ چکی ہیں، جہاں ان کے دورِ قیادت میں ادارے نے کئی علمی اور انتظامی اصلاحات دیکھیں۔ڈاکٹر عارفہ سیدہ زہرا اردو زبان، ادب، جنوبی ایشیائی تاریخ اور معاشرتی علوم پر غیر معمولی گہری بصیرت رکھتی تھیں۔
ادبی تعلیمی اور سماجی شخصیات کا کہنا ہے کہ ڈاکٹر عارفہ سیدہ زہرا کا انتقال پاکستان کے علمی و فکری افق پر ایک ناقابل تلافی نقصان ہے۔ ان کی دانش،متانت اور فکری وراثت ہمیشہ نئی نسلوں کے لیے مشعل راہ رہے گی۔
