عدالتی انتظامیہ کے مطابق سرد موسم اور دن کے دورانیے میں کمی کے پیش نظر نئے اوقاتِ کار کا باقاعدہ نوٹیفکیشن جاری کر دیا گیا ہے، جو یکم نومبر 2025 سے 31 مارچ 2026 تک نافذالعمل رہے گا۔

عدالتیں پیر سے جمعرات اور ہفتے کے روز صبح 9 بجے سے شام 4 بجے تک کھلی رہیں گی، جبکہ جمعہ کے روز عدالتوں میں سماعت صبح 9 بجے سے دوپہر 1 بجے تک جاری رہے گی۔ دوپہر کے وقت نماز اور کھانے کے وقفے کیلئے معمول کے مطابق مختصر وقفہ رکھا جائے گا۔

عدالتی حکام کے مطابق موسمِ سرما میں دن چھوٹے ہونے کے باعث وکلا، ججز اور سائلین کو سہولت فراہم کرنے کیلئے یہ فیصلہ کیا گیا ہے تاکہ مقدمات کی سماعت کے دوران کسی کو مشکلات کا سامنا نہ ہو۔

نئے اوقاتِ کار کے اطلاق سے قبل تمام عدالتوں کو ہدایات جاری کر دی گئی ہیں تاکہ شیڈول کے مطابق سماعتوں کو منظم طریقے سے جاری رکھا جا سکے۔

واضح رہے کہ عدالتوں کے اوقاتِ کار میں یہ معمول کی موسمی تبدیلی ہے جو ہر سال سردیوں میں کی جاتی ہے، تاکہ عدالتی عمل اور عوامی شرکت میں آسانی پیدا کی جا سکے۔

عدالتی انتظامیہ کی جانب سے تمام متعلقہ فریقین سے اپیل کی گئی ہے کہ وہ نئے شیڈول پر سختی سے عمل درآمد کو یقینی بنائیں۔