اجلاس میں صوبائی وزیر کو کمانڈ اینڈ کنٹرول سنٹر پر تفصیلی بریفنگ دی گئی۔ اس موقع پر ملک صہیب احمد بھرتھ کا کہنا تھا کہ روزانہ 1 لاکھ 50 ہزار گاڑیوں کی مانیٹرنگ ممکن ہوگی، ٹریفک مینجمنٹ کے ساتھ قوانین کی خلاف ورزیوں کی بھی نگرانی کی جائے گی، انٹیلیجنٹ ٹرانسپورٹ سسٹم کو کمانڈ اینڈ کنٹرول سنٹر سے منسلک کیا جائے گا۔

یہ بھی پڑھیں: پی ایچ اے کا نہر کنارے شپ ریستوران اور پکنک پوائنٹس کی تعمیر کا اعلان

صوبائی وزیر نے کہا کہ سپیڈ ریڈار، اے آئی کنٹرول کیمرے، ویٹ اسٹیشن بھی نصب ہوں گے۔ دوران ڈرائیونگ موبائل فون استعمال کرنے والوں کی بھی نگرانی ممکن ہوگی۔ کمانڈ اینڈ کنٹرول سنٹر رنگ روڈ اتھارٹی کے ہیڈ آفس میں قائم کیا جائے گا۔ 42 بڑی سکرینز اور 20 تجزیاتی سکرینز نصب کی جائیں گی۔
انہوں نے کہا کہ منصوبہ 871 ملین روپے کی لاگت سے چار ماہ میں مکمل ہوگا، کمانڈ اینڈ کنٹرول سنٹر رنگ روڈ اتھارٹی کے ایچ آر ونگ سے آپریشنل ہوگا۔