صدر پاکستان تحریک انصاف (پی ٹی آئی) جنید اکبر خان نے سماجی رابطے کی ویب سائٹ ایکس پر اپنے پیغام میں کہا کہ بانی پی ٹی آئی عمران خان کے حکم پر 9 مئی، 26 نومبر اور مریدکے میں ہونے والے ظلم و بربریت کے خلاف احتجاجی مظاہرہ ہوگا۔ انہوں نے کہا کہ تمام صوبائی حلقوں میں 17 اکتوبر، بعد از نمازِ جمعہ احتجاجی مظاہرے کیے جائیں گے۔
یہ بھی پڑھیں: پیرول پر رہا کریں، افغانستان کا معاملہ امن کیلئے حل کروں گا: عمران خان
دوسری جانب بانی پاکستان تحریک انصاف (پی ٹی آئی) و سابق وزیراعظم عمران خان نے افغانستان کے معاملے پر حکومت کو بڑی پیشکش کر دی۔
عمران خان کی بہنوں نے اڈیالہ جیل میں بانی پی ٹی آئی سے ملاقات کے بعد میڈیا سے گفتگو کرتے ہوئے کہا کہ عمران خان نے کہا ہے کہ مجھے پیرول پر رہا کریں تو پاکستان اور افغانستان میں امن قائم کروا سکتا ہوں۔
17 اکتوبر بعد نماز جمعہ پیٹرن ان چیف عمران خان کے احکامات پر سانحہ 9 مئی 26 نومبر اور مرید کے میں ہونے والے حالیہ بربریت کے خلاف تمام صوبائی حلقوں میں احتجاجی مظاہرہ کیے جائیں گے۔صوبائی صدر جنید اکبر خان pic.twitter.com/s8soryOJO0
— Junaid Akbar (@JunaidAkbarMNA) October 15, 2025
علیمہ خان نے کہا کہ ہماری نظر میں توشہ خانہ ٹو کیس میں بانی اور بشریٰ بی بی بے گناہ ثابت ہوچکے ہیں، ہمارا خیال ہے جج صاحب اب اس کیس میں فیصلہ سنانے جا رہے ہیں، 22 نومبر 2024 کو ہم نے احتجاج سے متعلق بانی کا پیغام دیا تھا اس پر اے ٹی سی پنڈی نے میرے اوپر فرد جرم عائد کردی ہے، فرد جرم پر نہ میرے دستخط ہیں نہ میرا انگوٹھا، ہم عدالت سے درخواست کرینگے کہ اس پر نظر ثانی کریں۔
نورین نیازی نے کہا کہ بانی نے لاہور میں قتل عام کی مذمت کی ہے، بانی نے کہا کہ آئی جی اسلام آباد اور محسن نقوی کے خلاف تحقیقات کی جائیں، عمران خان نے خیبرپختونخوا میں جمعہ کو احتجاج کی کال دی ہے۔
ان کا کہنا تھا کہ ہم اپنے ہی ملک میں غیر محفوظ ہوگئے ہیں، افغانستان ہمارا ہمسایہ ملک ہے، افغانوں کو تین نسلوں کے بعد پاکستان سے واپس بھیجا گیا ہے، بانی نے آفر کی ہے انہیں پیرول پر رہا کیا جائے وہ امن کیلئے افغانستان سے بات چیت کر کے مسئلہ حل کرکے دینگے۔
