نائب وزیراعظم و وزیر خارجہ اسحاق ڈار نے سماجی رابطوں کی ویب سائٹ ایکس (سابقہ ٹویٹر) پر جاری ایک پیغام میں کہا کہ اللہ کے فضل سے پاکستان اقوام متحدہ انسانی حقوق کونسل کا رکن منتخب ہوا ،پاکستان کو 28-2026کی مدت کے لیے اقوام متحدہ کی انسانی حقوق کونسل کا رکن منتخب کیا گیا ہے۔
ان کا کہنا تھا کہ اقوام متحدہ کے تمام رکن ممالک کا ان کی حمایت کے لیے میں تہہ دل سے مشکور ہوں، پاکستان کا انتخاب عالمی انسانی حقوق کے فریم ورک کو مضبوط بنانے میں اس کی مضبوط اسناد اور شراکت کا اعتراف ہے۔
With the Grace of Allah Almighty, Pakistan has been elected to the UN Human Rights Council for the term 2026-28 with an overwhelming majority.
— Ishaq Dar (@MIshaqDar50) October 14, 2025
My profound gratitude to all UN Member States for their support!
Pakistan s election is a recognition of its strong credentials and…
اسحاق ڈار نے کہا کہ پاکستان عالمی برادری کے ساتھ مل کر کام کرنے کے عزم کا اعادہ کرتا ہے، پاکستان کی یہ کامیابی عالمی سطح پر انسانی حقوق کے فروغ کا اعتراف ہے۔
واضح رہے کہ پاکستان سمیت 14ممالک اقوام متحدہ کی نسانی حقوق کونسل کے نئے رکن بن گئے۔
یہ بھی پڑھیں: سندھ، ایک ماہ کیلئے دفعہ 144 نافذ، جلسوں، دھرنوں پر پابندی عائد
دوسری جانب وزیر اعظم محمد شہباز شریف نے اقوام متحدہ کی انسانی حقوق کونسل میں سال 2026 سے 2028 تک نئے رکن کے طور پر پاکستان کی شمولیت پر مسرت کا اظہار کیا ہے۔
وزیراعظم نے کہا کہ پاکستان کا اقوام متحدہ انسانی حقوق کونسل کا رکن منتخب ہونا اقوام متحدہ میں پاکستان کے مؤثر اور بھرپور کردار کا عکاس ہے،ہم دنیا بھر میں انسانی حقوق کی سر بلندی کے لئے کونسل میں پاکستان کے بھرپور کردار کے عزم کا اظہار کرتے ہیں۔
