ذرائع کے مطابق 16 اکتوبر سے پیٹرول کی قیمت میں فی لیٹر6 روپے 10 پیسے کمی متوقع ہے جبکہ ہائی اسپیڈ ڈیزل کی قیمت میں97 پیسے فی لیٹر کمی ہو سکتی ہے۔

مٹی کے تیل (کیروسین) کی قیمت میں 2 روپے 75 پیسے فی لیٹر کمی کی توقع ہے جبکہ لائٹ ڈیزل آئل1 روپے 64 پیسے فی لیٹر سستا ہونے کا امکان ہے۔

یہ بھی پڑھیں: ملک بھر میں انٹرنیٹ 18 گھنٹے کیلئے بند رہے گا

پیٹرولیم انڈسٹری نے اپنی حسابات مکمل کر کے اوگرا (OGRA) کو جمع کرا دیے ہیں۔ اوگرا پیٹرولیم مصنوعات کی قیمتوں میں تبدیلی کے لیے سمری پیٹرولیم ڈویژن کو بھیجے گا جو کہ آج شام وزارتِ خزانہ کو ارسال کہ جائے گی۔

وزارتِ خزانہ وزیرِاعظم سے مشاورت کے بعد کل پیٹرولیم مصنوعات کی قیمتوں میں تبدیلی کی حتمی منظوری دے گی۔