تفصیلات کے مطابق ایف آئی اے امیگریشن نے کراچی ائرپورٹ پر بڑی کارروائی کرتے ہوئے نیب کو مطلوب اشتہاری ملزم کو کراچی ائرپورٹ سے گرفتار کیا۔ ملزم کامران احمد خان یوگینڈا سے کراچی ائرپورٹ پہنچا تھا۔ ملزم کا نام اسٹاپ لسٹ میں شامل تھا۔

یہ بھی پڑھیں: پولیس ٹریننگ سینٹر پر دہشتگردوں کا حملہ، 4 شرپسند ہلاک

ملزم نیب کو گزشتہ 15 سال سے مطلوب تھا۔ ملزم نے گرفتاری سے بچنے کے لئے مالٹا کا پاسپورٹ اور ریزیڈنٹ کارڈ استعمال کیا۔ ملزم کے خلاف سال 2010 میں نیب کراچی میں ریفرنس درج ہوا تھا۔ ابتدائی تفتیش کے مطابق ملزم یو اے ای فرار ہو گیا تھا۔ ملزم نے ایجنٹ کی مدد سے 6000 امریکی ڈالر کے عوض مالٹا کا مذکورہ پاسپورٹ اور ریزیڈنٹ کارڈ حاصل کیا۔
ملزم کی جانب سے پیش کیا جانے والا پاسپورٹ اور ریزیڈنٹ کارڈ جعلی نکلا، سفری ریکارڈ کے مطابق ملزم نے کبھی بھی مالٹا کا سفر نہیں کیا تھا۔ ملزم کا تعلق کراچی سے ہے۔ ترجمان ایف آئی اے کے مطابق ایف آئی اے امیگریشن کراچی نے ملزم کو بعدازاں نیب حکام کے حوالے کر دیا ہے۔